伊莉討論區

標題: 蘇志燮港騷引大陸粉絲撐場廣東話講：我愛你 [打印本頁]

作者: rousseau73 時間: 2017-4-29 12:28 AM 標題: 蘇志燮港騷引大陸粉絲撐場廣東話講：我愛你

韓劇《主君的太陽》男星蘇志燮噚晚於九展舉行香港粉絲見面會，雖然大陸近日有「禁韓令」，不過無阻大陸粉絲來港追星。另外，香港fans club亦特別準備咗唔少應援物，為蘇志燮打氣。早前蘇志燮跟宋仲基合作拍攝韓片《軍艦島》，宋仲基嘅香港fans club都有送花籃畀蘇志燮，祝佢演出成功。

晚上8時左右，蘇志燮穿上粉紅色西裝現身，佢一出場即四圍向粉絲打招呼，表示今次係海外巡演尾站，知大家好掛住佢，又用廣東話講:「我好掛住你哋。」蘇志燮表示佢平時唔著粉紅色，但因為今日係特別嘅日子。當粉絲大讚佢好靚仔時，佢即表現得好怕醜。
播完短片，蘇志燮就跟粉絲傾偈，佢透露自己唔驚鬼同曱甴，最令佢覺得唔舒服嘅係蟲。問到如果要拍攝床戲前有咩準備，主持問係咪要沖涼，蘇志燮笑住回應:「沖涼？唔會為床戲先特別沖涼。」
之後蘇志燮抽出幸運粉絲答佢哋嘅問題，當中大陸、馬來西亞及日本嘅粉絲都有被抽中。有粉絲問蘇志燮前一晚食咗啲咩，佢表示抵港當晚於商場食咗擔擔麵。問到喜歡嘅女生類型，佢答:「每個人都有自己嘅style，我喜歡衣著適合自己、著得舒服嘅女仔。」有粉絲叫蘇志燮下次去機場時唔好戴口罩，佢答: 「機場時遮住，咁上台時咪有驚喜囉。坐飛機時造型唔靚，唔想破壞喺大家心中嘅形象。」
由於粉絲群好國際化，主持笑言蘇志燮下次可以喺屋企開見面會，因為不論喺邊個城市開騷，各地粉絲都會飛過去，但蘇志燮就話屋企唔夠大。
蘇志燮又親自調配香水送畀粉絲，一名大陸粉絲幸運抽中，蘇志燮問對方覺得香水如何，粉絲即表示:「是愛的味道。」非常識冧偶像。
之後蘇志燮又跟全場粉絲自拍，並換上白色造型唱歌，又走落台親近粉絲，再次炒熱氣氛。Encore時蘇志燮更落台圍住場邊行咗一圈，而且冇設圍欄，賣大包親近粉絲，上返台時又用廣東話講「我愛你」，臨離場時更將帽拋落台送畀粉絲，令粉絲非常瘋狂。

心得：蘇志燮十分懂得向粉絲獻媚，態度親切，紅了也不驕。

[attach]118589682[/attach][attach]118589684[/attach][attach]118589689[/attach][attach]118589691[/attach][attach]118589692[/attach][attach]118589697[/attach][attach]118589700[/attach][attach]118589703[/attach][attach]118589705[/attach][attach]118589707[/attach][attach]118589709[/attach][attach]118589712[/attach]

作者: kobe0718 時間: 2017-5-1 05:17 PM

韓星喜歡辦這種見面會的意義都是在撈錢而已,照理說你應該是回饋粉絲的結果收費還比演唱會還貴

歡迎光臨伊莉討論區 (http://1.eyny.com/)